Yanmakdan Usanmazam Pervâne miyem Bilmem

Abdülahad Nuri

Yanmakdan usanmazam pervâne miyem bilmem
Hiç sonunu saymazam dîvâne miyem bilmem

Her şâm ü seher zârem gûş eylemez ol yârim
Bakmaz bana hünkârım bîgâne miyem bilmem

Dil-hâne harâb oldu yıkıldı türâb oldu
Her cânibi bâb oldu vîrâne miyem bilmem

Kalbimde ocağım var bu sînede dağım var
Âteşde durağım var hep yane miyem bilmem

Bulup dem-i eşyâhı gül vere dil şâhı
Bu dünyede ben dâhi uslana mıyam bilmem

Nûrî dem-i dehşetde bahr-i gam-ı fürkatde
Ka'r-ı yem-i hayretde dürdâne miyem bilmem

Kaynak: Vikikaynak · Telif süresi dolmuş eser