Ordu Meclislerinde süvârî ve topçu sınıfından âzâ bulundurulmasına dâir

Abdülaziz

Atûfetlü Efendim Hazretleri,

Ordû-yı hümâyûnlar meclisleri a’zâlığında bulundurulan iki miralay ile bir kâim-makâm ba’demâ münhal oldukça piyâde ve süvârî ve topçu sınıflarından olarak intihâbı husûsunun nizâm-ı ittihâzına dâir Dâr-ıŞûrâ-yıAskerî’den tanzîm olunan mazbata Devletlü Serasker Paşa hazretlerinin tezkiresiyle berâber ‘arz u takdîm kılınmış ve ordû-yı hümâyûnları teşkîl eden sunûf-ı selâse-i askeriyyenin idâre ve kumandalarında yekdiğerinden farkıolmasıyla mecâliste her sınıf mensûbâtından a’zânın vücûdu mesâlih-i vâkı’anın hüsn-i cereyânını müeddî olarak mütâlaa-i muharrere bu maksada mübtenî bulunmuş ise de ol-bâbta emr ü fermân ma’âlî-‘unvân-ı cenâb-ıcihân-bânî her ne vechile müte’allik ve şeref-sünûh buyurulur ise mantûk-ımünîfi infâz olunacağı ifâdesiyle tezkire-i senâ-veri terkîm kılındı efendim. Fî 3 C sene 290.

Ma’rûz-ı çâker-i kemîneleridir ki, ..

Kaynak: Vikikaynak · Telif süresi dolmuş eser