Büyük Validemin Sesi
Büyük Validemin Sesi
Nedir bu ses ki derinlerden eyliyor nebeân?
Bu ses ki inliyor altında bir uzun asrın?
Bu ses ki sem'ime eyler, harâb bir kasrın
Suhûr-ı sâkitesinen, fekâheler ityân
Bu savt-ı çeşme-i efsürde, savt-ı ra'şe-künân
Ki ihtizâzına benzer gunûde bir nehrin?
Ki müncemid sesi tarzında bir donuk şehrin
Müdâm eder uyuşuk bir heşâşeden tayerân?
Sadâ-yı hasta, sadâ-yı ramak, sadâ-yı dü-tâ
Ki elvada-ı hayat eder, durur tertîl?
Bu ses ki lâyık olur dense: elveda-ı sadâ?
Sımâh-ı câna mezâ mâ-mezâ sesi getirir
Bu lahn-ı târ-ı şikeste, bu savt-ı habl-i alîl,
Bu ses ki cedde-i sad-sâlemin güzel sesidir!
Kaynak: Vikikaynak · Telif süresi dolmuş eser