Yine Cânum Dimâğına İrişdi Ol Lezzeti-i Dôst

Eşrefoğlu Rumi

Yine cânum dimâğına irişdi ol lezzeti-i dôst
Gerekmez iki cihân çün ele girdi fursat-ı dôst

Bana işbu müdde'iler niçe ta'n iderse itsün
Hele şimdi hâsıl oldı bana bunda vuslat-ı dôst

Nireye kim bakarısam gözüme görinen oldur
Gelsün ol diyen ki yokdur bugün bunda rü'yet-i dôst

Basîret gözini açsun hakîkat nazarla baksun
Görsün ol ki niçe tolmış cihâna delâlet-i dôst

Eşrefoğlı Rûmî sana 'inâyet irişdi dôstdan
Yidi iklîmine toldı temâmet muhabbet-i dôst

Kamu vahdet oldı kesret götürildi nûr u zulmet
Tolu 'arş u ferş temâmet oldı anı görmez a'mâ

Meger Eşrefoğlı Rûmî gine kendüden varupdur
Halka bir ednâ kalupdur pes anundur işbu gavgâ

Kaynak: Vikikaynak · Telif süresi dolmuş eser