Ateşi Işka Ol Âşıklar ki Canın Yakdılar

Mihri Hatun

Āteş'i ʿışḳa ol 'āşıklar ki cānıñ yakdılar
Buldılar vuslat ebed çünkim cihānın yakdılar

Yanmasun mı 'āşıḳ'ı bī-çāreler pervāneveş
Māh-rūlar çünki hüsni şemʿadānın yakdılar

Hicr(i)le ṣanma seni yakdı vucūdum ẖūblar
Ey nice dil mülketinüñ hānümānın yakdılar

Lā'line öykindügiçün lāle ruhsārına şem'
Lāleye dāg urdılar şemʿüñ zebānın yakdılar

Dil(i)le cān virdi Mihrī tercemān dil-berlere
Aldılar göñlin 'aceb bu tercemānın yakdılar

vezni: Fāʿilātün fāʿilātün fāʿilātün fāʿilün

Kaynak: Vikikaynak · Telif süresi dolmuş eser