Niçe Feryada Vara Nalelerüm Ah Sana

Mihri Hatun

Niçe feryāda varā nālelerüm āh saña
Niçe bir ʿarz ideyüm hālümi her gāh saña

İşidüp bülbül'i şeydā meger āh'ı seherüm
Çagırup derd ile dir āh beni vāh saña

hüsn'i sermāyesi elden gidicek bir gün ola
Bildüre etdügini sevdügüm Allāh saña

Gün yüzüñ burc'ı şeref üzre tulūʿ etdügiçün
Giceler subha degin ta ki kalur māh saña

Ḫāk ider gayret odı bu dil'i miskīni yakub
Bile yanuñda rakīb olalı hem-rāh saña

Nice sengīn dil imişsin ki es̲er itmedi hiç
ʿĀşık'ı şūrīdeler āhı seher gāh saña

Nev-cevān etdi Züleyhā gibi Mihrī seni ʿışk
kılalı lutf ile Yūsuf nazarın şāh saña

Vezni: Feʿilātün feʿilātün feʿilātün feʿilün

Kaynak: Vikikaynak · Telif süresi dolmuş eser