Târîh-i Çeşme-i Hadîce Sultân Der-Üsküdâr

Nedim

Âsmân-mertebe Sultân Ahmed
Heft iklîmde oldur hâkân

Üsküdârı edüp ihyâ lutfu
Âb-ı şîrîn ile kıldı reyyân

Kırk çeşme gibi bu şehri hele
Eyledi çeşmeleri âbâdân

Ol şehin duhter-i vâlâ-güheri
Kıldı bu ayn-ı dil-ârâyı revân

Eyleye Hazret-i Bârî müzdâd
Ol şehin şevket ü şânın her an

Bî-bedel dedi bu târîhi Nedîm
Çeşme-i pâk-i Hadîce Sultân 1141 (1728-29)

Kaynak: Vikikaynak · Telif süresi dolmuş eser