Birinci Gazel

Recaizade Mahmut Ekrem · Nağme-i Seher / Kafiye-i Kaf

Kâfiye-i kâf aded-i gazel 3
Urdı hicrânıñ dil-i pür-derde dâg-ı iştiyâk
Tâhir oldu gûyiyâ ahkerde dâg-ı iştiyâk
Dostum sanma kaf-ı hicr-i temâşâ-yı ruhun
Eyledi peydâ meh-i enverde dâg-ı iştiyâk
Kand-ı lâl-i nâbını yâd eyleyip sanma habâb
Şu'le-güsterdir mey-i ahmerde dâg-ı iştiyâk
Devr-i hicrânında ger cismim helâk eylerse yâr
Dûzaha bir dag olur mahşerde dâg-ı iştiyâk
Şu'le-i âvâz sanma olmada * Ekrem * müdâm
Ateş-efşân cân-sûz-âverde dâg-ı iştiyâk

Kaynak: Vikikaynak · Telif süresi dolmuş eser