On İkinci Gazel

Recaizade Mahmut Ekrem · Nağme-i Seher / Kafiye-i Mim

Kaldır nikab-ı zülfünü hayrânın oldugum
Ey men helâk-ı gamze-i fettânın oldugum
Baglatma çeşm-i hasretimi îda hürmeten
Göster cemâl-i pâkini kurbânın oldugum
Yok mu garîb gönlüm için onda bir şikenc
Ey târ mâr-ı zülf-i perîşânın oldugum
Göndermedin esîriñe bir kez peyâm-ı lûtf
Deşt-i belâda âhla pûyânın oldugum
• Ekrem* ne çâre ka'il olur bir nigâha da
Ey men helâk-ı gamze-i fettânın oldugum

Kaynak: Vikikaynak · Telif süresi dolmuş eser