Üçüncü Gazel

Recaizade Mahmut Ekrem · Nağme-i Seher / Kafiye-i Tâ

Ey gamze cihân mülkünü pür-fitne vü şûr et
Ervâh-ı kudüsten dahi âsâyişi dûr et
Ey bâd umarız gerd-i reh-i kûyunu senden
Çeşm-i dili rûşengede-i şevk u sürûr et
Ma'nâda kelîm ol yine hâmûşluk eyle
Pervâne gibi kendine her âfeti tûr et
Düş hâk-i reh-i pâyına mahv eyle vücûdun
Bu sûretile meşhedini mebhıt-ı nûr et
• Ekrem * gibi tâ şöyle zebûn eyle vücûdun
Kim cây-ı penâhın teh-i bâl ü per-i mûr et

Kaynak: Vikikaynak · Telif süresi dolmuş eser