Dördüncü Gazel

Recaizade Mahmut Ekrem · Nağme-i Seher / Kafiye-i Zâ

Cûyân olarak kûyunu âvâreleriz biz
Bî-rûh gezer bir süri bî-çâreleriz biz

Mihnetle olur sâgarımız kâse-i zehr-âb
Gamdan dilimiz âh nice âreleriz biz
Meyl eylemeyiz ni'met-i elvân-ı fenâya
Hicriñle bu âlemde ki gam-hâhlarız biz
Mûsâ'larıyız tûr-ı tecellâ-yı cemâliñ
Sad perde hicâb olsa yine pâreleriz biz
Bülbül gibi mahrem degiliz bâg-ı cemâle
Bir dem ruhuña ka'il-i nezzâreleriz biz
• Ekrem * gibi âfet-res-i ikbâl-i cihânız
Âh eyleyerek bahtımızı kareleriz biz

Kaynak: Vikikaynak · Telif süresi dolmuş eser